Bajet 2014: Cuepacs minta bonus dua bulan gaji

Oleh : NewsDesk
Tarikh Disiarkan : 26-Sep-2013

KUCHING: Presiden Kongres Serakup Pengereja Servis Mensia Mayuh (Cuepacs) Dato’ Haji Omar Osman minta ngagai perintah ngambika meri bonus dua bulan lebuh bejuraika Bajet 2014. Taja pia ku iya, sida deka angkun enggau pemutus ke digaga Menteri Besai Datuk Seri Najib Tun Razak senentang isu nya.

“Kami udah minta lalu nya bepanggai ba perintah ke deka meri bonus dua bulan gaji. Kami nemu senentang fokus Bajet 2014 ke meri pemanah ngagai rayat nyengkaum bala orang gawa perintah. Nyadika chunto, pemutus perintah ngurangka subsidi minyak penyampau 20 sen lalu kami nemu iya deka diberi ngagai rayat baru. Aum bejuraika Bajet 2014 nya siti pekara ke endang dianti kami,” ku iya.

Iya mansutka jaku munyi nya lebuh dirandau pemberita maya Seminar Integriti Orang Gawa Peritah ke diatur ba sebuah hotel ke tebilang malam Hari Satu ke udah. Ku Omar, ba taun 2012 perintah meri bonus sebulan setengah gaji ngagai orang gawa perintah laban perintah ulih ngatur pekara ke baka nya.

“Ba taun tu, kami mega deka minta penyampau ke sama tauka lebih tang kualiti pengawa orang gawa perintah patut setipak enggau bonus ke diberi dikena nyaga ati mensia mayuh. Anang kitai semina deka ke bonus aja tang mensia mayuh kompelin ke ngasuh perintah enda senang ati,” ku iya. Lebuh ngenang seminar ke diatur Cuepacs Omar madahka, program keterubah diatur meri fokus ngemanahka integriti enggau produktiviti semua agensi perintah nyengkaum organisasyen ngena uniform.

“Laban kami ke nyadi organisasyen ngemanahka sektor servis mensia mayuh, kami bekerejasama enggau Opis Servis Mensia Mayuh (JPA) ba pengawa ngemanahka ulah diri dikena ngurangka penanggul displin ke bisi nyadi ba orang gawa perintah. “Ketegal nya kami deka ngemanahka chara ngatur pengawa ba sektor servis mensia mayuh dikena nyaga kaul ke manah entara pengaji enggau pengereja,” ku iya. Sama bisis enggau ba seminar nya mega Tuai Pengarah Servis Mensia Mayuh Malaysia, Tan Sri Mohamad Zabidi Zainal.






comments powered by Disqus
                    



Berita Popular

Tentera dicekup curi daging itik

Oleh : NewsDesk, 18-Apr-2014

Jangan biar remaja leka pengaruh gajet

Oleh : NewsDesk, 19-Apr-2014

Ngap Sayot bedil Tentera

Oleh : NewsDesk, 16-Apr-2014



    Pandangan Anda
    Adakah anda berpuas hati dengan adanya GST dalam pembentangan budget 2014?

      Sangat Puas hati
      Terpulang Saja
      Tidak Puas Hati
    Semak Keputusan




Dapatkan Berita Hangat Terus Ke Emel Anda

Masukan nama dan emel anda ke ruangan di bawah.